Waffi TV bin remember say di singa, wen e bin dey celebrate im wife Alexer Perez Gopa…..
By Akpoguma Tejiri:
Popula singa Harrison Okori, aka Harrysong, don tok say e dey ready to marry second wife.
Waffi TV bin remember say di singa, wen e bin dey celebrate im wife Alexer Perez Gopa birthday for im Instagram page last Wednesday, e talk say e get plans to marry second person.
For one recent interview wit Hip TV, Harrysong come explain say im wife go need agree before e fit marry another wife.
E talk say e love im wife well-well and e dey respect am, e no go do anytin without seek her permission.
Di ‘Better Pikin’ singer come talk say im wan marry second wife sake of im love for big family.
E say: “I love my wife so tey. I dey take good care of am well-well. And I get respect well-well for her.
“I no go do anytin wey she no go gree or wey she no go allow. So, if I dey tok say I wan marry second wife, yeah, maybe. But e no go be like say I dey disrespect my wife. E go be wetin she allow, wetin she gree. For di main, I no go disrespect her. So, if I dey tok say I wan marry second wife, just sabi say we all go dey one big family, all of us together.”