NEWS

Warri Inmate Born Pikin, Dem Grant Her Bail On Top Compassionate Ground

……beg on her behalf, based on say she just born through operation two weeks ago.

By Akpoguma Tejiri: 

Plenti joy full insai Warri Custodial Centre on Monday as one of di inmates, Beauty Obi, wey be 18-year-old mama of two-week-old pikin, dey grant bail by Chief Judge of Delta State, Hon. Justice Tessy Diai, on top compassionate ground.

Dem talk say Dem show Obi compassion afta Deputy Controller of Warri Custodial Centre, Joseph Lucky, beg on her behalf, based on say she just born through operation two weeks ago.

Lucky bin talk say the tori of di teenage mama and her boyfriend wey dem arrest while she bin get belle bin touch everybody heart for custodial centre.

According to am, wen Obi dey ready to born, dem carry am go Warri Central Hospital where she born through operation, but dem come put di small pikin for incubator for one week before dem come join am back with her mama wey dey prison.

Lucky come talk say di prison authorities spend N1,000 every hour during di one week wey di pikin dey for incubator, and na so e tell di Chief Judge say make dem grant Obi bail so she fit go her papa house take care of herself and di pikin.

Chief Judge, wey help Obi wit N20,000, come grant am bail of N250,000 wit one person wey go stand surety wit di same amount, and di person wey go stand surety must dey live for di area wey di court dey and dem go bring affidavit of say dem get money and give dem National Identity Card NIN number.

Di 18-year-old mama wey come from Obingwa for Imo State, as she dey thank Chief Judge for di money wey she give her, come talk say police arrest her and her boyfriend for one place wey im wan sell stolen phone.

Di teenage mama come talk say she no know how her man take get di phone and she still maintain say she no do di armed robbery wey dem accuse her of.

Out of di 539 warrants wey dem review for inmates, Chief Judge still release five pipo based on advice from Director of Public Prosecutions, afta dem discover say those pipo no get any case to answer.

Among di pipo wey dem release na Lofore Difference, 37, Innocent Okpaghe, 37, Umukoro Kingsley, 51, and Chenango Wisdom, 29. Dem bin dey face different charges like armed robbery, kidnapping, and murder.

Related posts

DHQ Dismisses Coup Request, Says Military Better Under Democracy

Waffi Tv

Cultists Behead Police DPO In Rivers

Waffi Tv

Robbers Raid 3 Banks In Benue, Kill Eight

Waffi Tv

Leave a Comment