Life Style

Youths Burn Woman Wey Dem Accuse Of Witchcraft To Death For Calabar

Na so dem come wickedly kill am for Old Netim, for Akamkpa Local Government Area for de state……

By Vincent Ogaga: 

Some young pipo don kill woman for Cross River State, South-South afta dem accuse am say she be witch.

Dem talk say de woman wey dem kill, her name na Madam Martina Okey Itagbor, dem accuse am say she cause de death of two young men wey die for motor accident.

Na so dem come wickedly kill am for Old Netim, for Akamkpa Local Government Area for de state.

One lawyer wey dem call James Ibor, wey expose de badness wey happun for im Facebook page, don dey call for justice for de woman, im use #Justice4MartinaItagbor.

Waffi TV get one video wey dem show wey show how dem burn de woman wey half naked for middle of road wey don get concrete, na some young pipo wey gather around burn am.

For im Facebook page on Wednesday, Ibor write say, “Madam Martina Okey Itagbor wey dem accuse say she be witch, dem burn am to death for Old Netim for Akamkpa LGA, Cross River State, Nigeria.

“Dis one happen afta motor accident kill two young men. Na so e be say de Police dey watch as de poor woman burn. De suspects dem still dey waka dey do anyhow.

“To accuse person say e be witch na crime. To believe say witches fit do bad thing na backward and primitive thinking. I dey call on de Police make dem bring dese suspects to Justice. No witches, No Wizards.”

De video too bad, wicked and horrible. If I post am here, Facebook go block me,” na im im add for another post on Thursday.

Na im be say no be de first time wey person go die for de state sake of say dem accuse am say e be witch.

On August 27, 2022, dem kill two widows wey dem accuse say dem be witches for Ebbaken community for Boki Local Government Area for de state.

Dem identify de women wey dem kill as Mrs Martina Osom and Mrs Rose Akon. Dem say on Saturday, August 27, young pipo torture dem till dem die.

Dem talk say de women wey die dey strong for Catholic religion.

Related posts

Police Rescue 2 Kidnap Victims In Delta

Waffi Tv

Lady Beaten To Death In Anambra Hotel

Waffi Tv

Cancer: WHO To Declare Diet Coke Sweeteners As Carcinogens

Waffi Tv

Leave a Comment